上周五小白終於出籠，不用再住廚房，馬上便融入家庭，每日不停追住班哥哥姐姐玩，而班哥哥姐姐都開始接納佢，除了比佢勁追後會發脾氣wow佢外，好多時都各有各玩！
小白經常偷食哥哥姐姐的濕糧！
肥北亦侵占了小白最愛的床仔！光頭點拖佢都不走！
小白同懵懵一樣好like瞓梳化底！
小西呢期like瞓地壇面！
小白同時亦成功上床，每日同我們一起瞓覺豬！
自從小白來了，家中四隻阿哥阿姐，東南西北經常會出現「發光眼」情景！
為了令牠們適應大家的存在，我和光頭在家的時候，多數會開了廚房門，等班貓豬可以溝通一下！
東南西北中以肥北同小白暫時最fd，經常會你捉我，我捉你，但不會wow對方！
小西對小白都開始有興趣，不時在門外探索小白，而小白亦好活躍，不准牠出來時，不停會隔住度門對班哥哥姐姐玩！
小西又來探小白了！但都會wow牠！
為了鍚番班哥哥姐姐，近日買了不少小食給牠們品嘗！
一開小食隻隻都飛晒過來！
身為家中的大阿哥東東，暫時最唔妥小白，不停wow佢！好彩小白唔怕佢，經常追番阿東轉頭！
連小白去厠所都不放過！
奉送兩張肥北配的靚相！
小白到家的第一晚，可以用「翻天覆地」來形容，一早回家的我，一開廚房燈，見到未慣新環境的小白表現得非常驚慌，四圍跑之餘仲向上爬，一個甩腳掃底所有杯同樽，結果，一地玻璃碎，嚇到飛起的我即刻入去抱佢出來！
出來後其他貓豬都怒睥我們！
廚房的情況得人驚！一地玻璃呀！
小白出來後個身不停震，我唯有將隻手放入去安撫佢，好快佢就安定下來！
光頭回來繼續安撫小白！
期間發生血案，小白想跳上去時，不慎搞傷我！三條血痕！
事關一晚後，小白開始慣了，同爸爸仲話踫頭！
開始肯食野了！但只食濕糧喎！
不過，一班哥哥姐姐似乎有不滿，話說光頭起身時，發現房外有一堆屎，究竟邊個係兇手！
根據鑑屎專家光頭的報告，堆屎應該係小西的！
2010年1月15日，我們家多了一位新成員，她叫做「小白」！小白亦是巳去了彩虹橋的懵懵送給我和光頭爸爸的，記得在懵懵住院期間，小白是住在樓上，看見我和光頭時，不停叫我們，當時的我心諗︰「呢隻貓有咩病呢?」，後來，懵懵去了彩虹橋，傷心的我們和醫生聊起來才知道小白是有人執回來的，暫住等人領養，而我和光頭爸爸覺得跟牠有緣，所以提出了領養的要求！由於本身她有流眼水和肚痛仔情況，等了兩個多星期，好番晒先帶她回家！最搞笑是家中巳有「東南西北」的我們，一早諗好如果是男仔叫「發仔」，女仔叫「小白」！
西環間24小時寵物診所的醫生和護士等好好人，一來咁好心收留流浪貓，仲要免費幫牠們醫病兼等人領養，所以我和爸爸去接小白前，特地買了個果藍上去，以表心意！
一回到家班哥哥姐姐都有出來聞下個袋，但無咩反應！
上邊的貓床仔、公仔、玩具及貓糧都是kitty醫生所送的，接待姐姐表現得不捨得，走時仲同我講︰「記得多d帶佢返來！」，連幫手的阿姐都同小白講︰「小朋友！返屋企啦！」，原來小白在寵物診所內都好多人鍚架！
由於小白要暫住在廚房，光頭不時偷望她！
對於有新成員加入，家中班哥哥姐姐的回應如下︰
