呢個星期非常忙！等到放假先有時間寫ｂｌｏｇ！

上星期一即回歸前一日，跟光頭爸爸班舊同學齊齊過大海去澳門！

一行多人由尖沙咀碼頭出發，搭夜晚7點船到澳門！

爸爸唔多鍾意賭錢，我選擇了買有送按摩的套票，兩個人盛惠一千蚊！（不過，個按摩場真係可以不去，按摩師無力，按完等於無按，連本人最想做的採耳都無！唉！）

次次同爸爸去澳門都會鬧大交，好彩，今次就無！

上船後團友們先商量行程，再訓覺養足精神！

爸爸掛住睇在沙田買的漫畫！

金沙的自助餐正做特價，仲要由夜晚９點食到11點，時間為我們而設，當然要試下，每位連加一都係$185蚊，選擇好多都算抵食！

生蠔最受大家歡迎，連平日不太敢食生冷野的光頭，都一口氣食了9隻！

再度有喜的小霞竟然偷食魚生！

我最欣賞自己選材料的粥！

肥旦都唔執輸，食了大批生蠔！

展開賭場之旅，大家先去星際，再到美高梅參觀，去到美高梅時，本人和光頭爸爸都係得一個字「輪」，原本輸千多元的光頭走去了玩「大細機」，好專業抄下每一舖的賽果，期間突然靈感湧現，無端端買了十蚊雞「三條圍五」，竟然真係中左，一倍190倍，十蚊變了1900蚊，由輪1700變倒嬴２００蚊，勁！

相反，我又係餵晒老虎機！

後來，我和光頭離隊，先去了新蒲京玩一陣，仲有意外收穫，搵到單好料，跟住又過去威尼斯人玩！

光頭又同我一齊去餵老虎，正當輸了幾百蚊的他，按到呢隻公仔又嬴番幾百蚊，總結，全程嬴了兩百元！

爸爸話呢張相正好代表我喎，頭上一度靈光，即係輸清光，哈！

話說早前某一日，公司出現了一名小員工！

李巨B！睇佢食野幾肉緊！

巨B媽與巨B！           巨B碌脾好正呀！

米雪媽媽與巨B！

巨B口中的「靚女」正是本人！最鬼馬是巨B自動問我係咪靚女?

呢張影得我咁瘦的相，正是巨B的傑作！我決定請巨B做攝記！

除了食和玩時，李巨B才會坐定定！

李老板派工作比李巨B，答應會出糧比巨B，等巨B可以買機票去日本迪迪尼！

結果，李巨B成功賺了$2.2，原本仲有張20蚊，但巨B媽叫巨B比番恩仔，巨B都好聽話！

巨B幾時會再上來呢?希望唔會又遇到有學生來參觀啦！

老闆一個order，凌晨時分仍在公司的我，第二朝便抵達機場，展開三日兩夜的南投、台中和台北之旅！(為了知道台中有冇落地簽証，我們足足搵了全晚，不過，都係驚摶唔過，最後都係飛去台北，再坐高鐵到台中！)

第一日︰ 香港 -  台北 -   台中  -  南投

第一次搭高鐵，由桃園機場要坐巴士到高鐵站，需要15分鐘左右，車費30蚊台幣，不設找續，自備零錢，個高鐵站都幾靚！

班次都好密，同搭日本子彈火車一樣，會停不同車站！

車廂好舒服亦好乾淨！

張橙可以360度轉！  仲有腳搭！

商務位有咖啡茶同餅乾招待！

由桃園到台中只需半個鐘頭，真係話咁快就到！

第二日︰  南投  -   台中   -  台北

第二日的工作十分順利，要搵的人和地方都統統搞掂，接着是要坐一個鐘頭車，由南投回到台中，再由台中坐高鐵回台北，再去繼續餘下的工作！

台中的高鐵站距離酒店約需20分鐘車程！

由台中直接坐車到台北，車程需要45分鐘！(細心留意所停的車站，如果選錯可能要坐一個鐘先到！)

第一和第二日都要和時間競賽，因為距離埋版的日子愈近，要到的地方實在太多，日日都是趕趕趕！

第三日︰  台北  -   香港

好想上台北101行街街，不過，想等埋光頭爸爸先一齊上去，都係下次先，期待和爸爸的阿里山之旅！

遇上一隻可愛的CUTE CAT！

此行在百忙之中食了兩次芒果冰！正！

回程時買了十枝台灣香腸來孝敬光頭爸爸，點知，未到台灣機場，我巳經食了4枝，上到機又食多枝！得番5枝！

在台灣時睇到新聞，話高雄水浸，浸到人半身，睇住D雨由南至北，一路殺上來，上機一刻台北的雨雲未到，以為成過避過，點知，因為香港黃雨關係，搭9點機的我，凌晨12點先返到香港，仲要因為無得泊位，要淋住雨再搭巴士，空姐只派報紙比大家避雨！

落落下機長仲唔放人落去，話因為太大雨，搞到好多乘客不滿，睇住個機倉開始浸水，連機師個位都開始入水，心諗︰「駛唔駛咁誇張！」

罰企了15分鐘，空姐們終於「班」到D雨衣回來，大家二話不說，穿上雨衣便衝落去！

印象中N年前做周刊時同伊麵去過一次高雄(墾丁)，之後都無去過了，今次為了仔仔，相比台中，高雄給我的感覺好好多，我估計今年之內會再去，因為有好多好多地方想去，此行，我最鍾意的同樣是入住的酒店，又係一百分！

今次被安排入住的是五星級的高雄金典酒店，酒店房由39樓至85樓，而本人就住在62樓！

又係一張超級巨型大床！靚景！

我的打稿地方，同樣係寬敞舒服！

個厠所又係超級大分幾格個種！

日景！　　　夜景仲靚！

去過無數次台灣的我，話比人知未去過「台中」都無人信，不過，這是事實，但去過之後，我估我都唔會再去，因為無特別之餘，亦無咩好食或者好玩的地方！

值得一提只是入住的酒店，超靚超豪華，酒店會為入住的客人印埋卡片，講到明酒店是你第二個家！超級細心！

間房大得來仲好有格調！張床非常非常舒服！

仲有個書枱，任你有線或無線上綱都得，仲有埋PRINTER比你PRINT野！十足十間辦公室！

有張巨型梳化！生果架都特別過人！

厠所有一個小型電視！仲有巨型浴缸！

日景！　　　夜景！

呢個5月真係話咁快就過，忙忙忙，飛了兩次，再加上敏敏放大假，真係連BLOG都唔得閒寫，都係時候寫番了，依番個次序，先寫番月頭同家中班大帝去打針！

班貓豬好醒目，一見批貓袋就會閃人，所以前一晚巳經攞了落來！結果，隻隻都好順利，唯獨是阿懵！

爸爸要入床下底捉阿懵出來！難度９９．９！

充當「司機」的米雪！何其壯觀！由於之前病人「烏龜」診症中，我們一家七口要等等！

健康報告如下，以13歲的老大東少最健康，體重標準，唯一只是同爸爸一樣有脫毛的現象，但問題不大！

都唔駛多講，肥北又係要減肥，身為家中「巨無霸」的他要節食！

小南都好健康！　　　阿懵都無特別！

唯一是小西輕左好多，原因是老豆每次來住都會偷偷比雜食小西，搞到佢唔多食貓糧！睇來要加緊留意呢條女！

回家後班貓豬都抱頭大睡！

瞓完梳化又上床瞓！見影相先起下身！

阿懵最鍾意痴住爸爸訓！擦鞋妹！

今天生日會的主角李卓彥！(又名李巨b)

生日會上好多小朋友，個個都好cute！

卓彥身邊有個靚仔，李爸爸話似edison，青靚白淨feele！

壽星仔邊玩幫女朋友仔影相！

生日會上好多美食！(不能盡錄！)

意粉！好好味！    沙律都不錯！

火腿三文治勾起我上船的回憶，唯一不同是茵媽媽是落足料！  

19磅的b女只係5個幾月大，真人不露相！

我送給李卓彥的生日蛋糕！ 

蛋糕出場，小朋友起哄！鬥快吹蠟燭！

這位瑤瑤是卓彥的女朋友仔！

李氏三位似足餅印！

我和爸爸都有攝位影相！yeah！

茵媽媽負責分蛋糕！

李卓彥表演碌地沙！

5月1日是勞動節亦是老友sammi的生日！

壽星女sammi！   我揀的靚kitty蛋糕！

來張全家褔先！留意有攝石人！

許願了！私底下我祝sammi快點搵個木村男友！

茵媽媽負責剪紙碟！

未開始米雪媽媽不停叫「肚餓」！睇下佢見到食物幾興奮！

比壽星更搶鏡！

嘩！嘩！嘩！中學時期的爸爸，瓜子臉加郭富城三七分界髮型！

仲有高佻的身材，可以做小生！

成日攝中間位置影相，可想而知，當時的他幾有信心！

鬼馬表情！       正呀！

特別鳴謝︰肥旦同肥豪提供照片！

為了慶祝肥旦新居入伙，齊齊打邊爐！好多我愛的粟米！

肥旦新居的樓頂好高，間屋亦好市正！

raymond個女女好得意，又唔怕人！

光頭和raymond女！  so cute！

兩個小朋友相遇，爭野玩是在所難免！

開餐了！         好多美味食物！

唔客氣了！        yeah！

餘興節目，鋤大D同四方城！

珊珊女女可能會是未來的麻雀后！